ଦେଢ଼ ବର୍ଷ

ଅନେକ ପରିବର୍ତ୍ତନ ଆସିଛି ଏ ଦେଢ଼ ବର୍ଷରେ । ଅନେକ ନୂଆ ଜିନିଷ ଘଟିଛି ଏ ୧୮ମାସରେ । ଯାହା ଭାବିଛି ତାହା ଠାରୁ ବହୁତ ଅଧିକ ହୋଇଛି ଏ ସମୟ ଭିତରେ । କିନ୍ତୁ ଅନେକ ପ୍ରଶ୍ନ ରହିଛି ମନରେ । କଣ ଅକ୍ଷର ଚିହ୍ନିଲେ ଜଣେ ଉପସ୍ଥାପକ ? କଣ ଭଲ ଲେଖଲେ ଜଣେ ଭଲ ପ୍ରଯୋଜକ ? କଣ ଭଲ ଏଡିଟ କଲେ ଜଣେ ଭଲ ଏଡିଟର ? ଏମିତି ଆହୁରି ଅନେକ ପ୍ରଶ୍ନ ଅଛି । ହୋଉ ଛାଡ଼ନ୍ତୁ ଏବେ ଆସିବା ଆଉ କିଛି କଥାକୁ କଣ ଜଣେ ଭଲ ମଣିଷ ହେବା ପାଇଁ ଅନ୍ୟ ଆଗରେ ମିଛ ଅଭିନୟ କରିବା ଦରକାର କି । କାରଣ ମୁଁ ଦେଖୁଛି ଅନେକ ଲୋକ ଅଛନ୍ତି ଯେଉଁମାନେ ମୋର ସମ୍ପର୍କକୁ ନେଇତ ପ୍ରଶ୍ନ କରିଦେଲେ କିନ୍ତୁ ତା ଭିତରେ ଥିବା ମୋର ସ୍ନେହ,ଆଦର ଆଉ ଭଲ ପାଇବାକୁ ଚିହ୍ନିଲେ ନାହିଁ । ବେଳେବେଳେ ଇଚ୍ଛା ହୁଏ ଏମାନଙ୍କୁ କିଏ ଏ ସବୁ ଅଧିକାର ଦେଉଛି ୟା ବିଷୟରେ ତା ବିଷୟରେ କଥା ହେବାକୁ । ଆମେ ନିଜ ଛୋଟ ଜୀବନରେ ଅନେକ ଖୁସି ଅଛୁ କିନ୍ତୁ ଏ ଛୋଟ ଛୋଟ କଥା ଆମମାନଙ୍କ ଜୀବନରେ ଅନେକ ପ୍ରଭାବ ପକାଏ । ଆହୁରି ବି ମୋ ପାଖରେ ଏତେ ଧନ ଅଛି ଆମେ ଏ ସବୁ ବାମ ହାତରେ କରିପାରିବୁ । ହଁଆଜ୍ଞା ଆମେ ଜାଣିଛୁ କିନ୍ତୁ ଗର୍ଵ କାହିଁକି ସେଟା ତମ ଅର୍ଜିତ ନୁହେଁ । ତୁମେ ଆଉ କାହାର ଅର୍ଜିତକୁ ନେଇ ଗର୍ଵ କରୁଛ କିନ୍ତୁ ଆମେ ସ୍ୱଅର୍ଜିତକୁ ନେଇ ଆଗକୁ ଯାଉଛୁ । ଜୀବନରେ ମୁଁ ସମ୍ପର୍କକୁ ନେଇ ଭାରି ଶକ୍ତ । ମୁଁ ସମ୍ପର୍କ ଭାଙ୍ଗିବାରେ ବିଶ୍ୱାସ କରେନାହିଁ । କେମିତି ଆମେ ହସ ଦୁଃଖ ଭିତରେ ସମ୍ପର୍କକୁ ଆଗେଇବା ତାକୁ ଗୁରୁତ୍ୱ ଦିଏ । ଆଜି ଜଣେ ଉଚ୍ଚପଦସ୍ଥ ଅଛି କାଲି ସେ କଣ ଥିବ କହିହେବନାହିଁ । କିନ୍ତୁ ଯଦି ମଣିଷ ଭିତରେ ସତ ସାହାସ ଥିବ ସେ ଭଲ କରି ସବୁଠି ଦେଖେଇବ । ଜୀବନରେ ଅନେକ ଲୋକ ଚୁଗୁଳାମି କରନ୍ତି । ତାଙ୍କୁ ଲାଗେ ସେ ଆଜି ଗୋଟେ ଗଡ଼ ଜିତୁଛନ୍ତି କିନ୍ତୁ ଆଜି ନହେଲେ କାଲି ତାଙ୍କର ଖୋଲିଥିବା ଗାତରେ ସେ ନିଜେ ପଡିବେ । ସାମଗ୍ରିକ ଭାବେ ଯଦି କହିବି ଯଦି ନିଜେ ଠିକ ଅଛ ତାହେଲେ ଚୋରଙ୍କ ଠାରୁ ଆମେ ବଞ୍ଚିପାରିବା । ଜୀବନେରେ କର୍ମଠ ହେବାର ଆବଶ୍ୟକତା ଅନେକ ରହିଛି । ଯଦି ସତରେ ତୁମେ ପରିଶ୍ରମ କରିଥିବ ତେବେ ଜୀବନରେ ଅନେକ ଉନ୍ନତି କରିବ । ଆଜି ମୁଁ ୧୮ ମାସର ବିଶ୍ଳେଷଣ କଲି ଦେଖିବା ଆଗକୁ ଆଗକୁ ଆଉ କଣ ସବୁ ନୂଆ ରହିଛି ଏ ଜୀବନରେ ।

ବିଦ୍ର : ମତ ବ୍ୟକ୍ତିଗତ କେହି ଦେହକୁ ନେବେନି